La Coordinadora tornar a reclamar la paralización de la incineradora nel Día Mundial del Reciclaxe

|

El 17 de mayu ye’l Día Mundial del Reciclaxe, xornada que la Coordinadora Ecoloxista d’Asturies aprovecha pa recordar la peligrosidá de la incineradora y reclamar la so paralización. Los ecoloxistes apuesten por polítques de reciclaxe.
 
La Coordinadora convida a los Conceyos pa que dexen el proyeutu de la incineradora  y s’apueste por polítiques de reciclaxe “de les que cada vez alloñámonos más con esta instalación peligrosa”. L’agrupación ecoloxista señala, nesi sen, qu’Asturies tien una de les tases más baxes de reciclaxe del Estáu, según datos del Ministeriu de Mediu Ambiente, al algamar un 10 por cientu, cuando n’otros territorios la tasa ye de’l 30 por cientu. Inclusive, hai municipios que tienen tases reales del 82 por cientu y países d’Europa que lleguen al 70 por cientu. D’igual forma, Asturies nun llega los mínimos qu’esixe la Xunión Europea (XE) dende’l 2008, al igual que tampoco cumple’l Plan Básicu Xestión de Residuos pal añu 2006.
 
“El proyeutu actual de Coxersa col sofitu del PSOE y del PP pa poner en marcha la segunda mayor incineradora d’España de 420.000 toneladas reduciría’l l reciclaxe al quemar el 80 por cientu del total de residuos urbanos, polo que nun quedaría nada pa reciclar, a nun ser que se traigan otros residuos de otres rexones pa quemar”, espliquen dende la Coornidadora, coleutivu que tien claro que “si quemen too, como tienen previsto, iría contra toles direutives europee esistentes y contra los criterios de sostenibilidá, como yá faen agora con total impunidá”. Amás, los ecoloxistes consideren que l’apueste pol reciclaxe crearía emplegu, sería más sostenible y una opción muncho mása barata y menos peligrosa que la incineradora.
 
Por too esto, la Coordinadore solicita a los Conceyo que collaboren como responsables de la recoyida y tratamientu de los residuos. “Hai que facer un apueste decidida pola información y sensibilización ambiental como una midida de futuru pa concienciar a la población, pero tamién hai que tomar midides coercitivas pa facer cumplir les ordenances de llimpieza y los decretos que desarrollen las políticas de reciclaxe”, finalizó.
 

Contador Estadistiques