La Coordinadora pide al Gobiernu que mantenga la prohibición la plantar más ocalitos

Coincidiendo cola celebración del Día Mundial contra los Monocultivos d’Árboles, la Coordinadora Ecoloxista d’Asturies pide al Gobiernu que mantenga la prohibición de plantar más ocalitos. Esta especie alóctona ye la más númberosa del país.
 
“Los gobiernos, a nivel mundial, tán promoviendo de manera activa la espansión de monocultivos d’árboles a gran escala a pesar de los impactos sociales y ambientales graves yá constataos nes plantaciones esistentes. Quienes impulsan esti modelo afirman que las plantaciones son viesques, lo que nun ye cierto”, señalen dende la Coordinadora. Nel casu d’Asturies tenemos un exemplu bien claru colos ocaliptos, especie orixinaria d’Australia que convirtióse na especie con mayor presencia nel país nes décades últimes gracies al apoyu de los gobiernos sucesivos, destruyendo les viesques anteriores esistentes nel llugar. Según datos del coleutivu ecoloxista sacaos del ‘Tercer Inventario Forestal Nacional’ elaboráu pol Ministerio de Mediu Ambiente y Mediu Rural y Marín, de les más de 300.000 hectárees de superficie arbórea del país, 71.407 son d’ocalitu por 70.000 de castañu, 53.000 de faya y 40.000 de carbayu, especies propies d’Asturies.
 
“N’Asturies, los gobiernos favorecieron la colonización del ocalito desplazando a otres especies forestales a pesar de los fuertes impautos ambientales asociaos a esti cultivu forestal. Esto paróse nos años últimos de la llexislatura pasada, cuando nun s’autorizaben les plantaciones d’ocalitos nuevos ante’l desfase de hectárees esistentes col Plan Forestal”, recuerden los ecoloxistes, qu’esixen al Gobiernu de Francisco Álvarez-Cascos “que mantenga la prohibición d’aumentar les hectarees de plantaciones d’ocalitos n’Asturies”. D’igual forma, piden a los Conceyos “que desarrollen una normativa reguladora d’estos monocultivos pa que puedan salvaguardase les viesques que tamos perdiendo”.