La Coordinadora Ecoloxista torna a denunciar la situación de la industria Doy-Manuel Morate

La situación de la industria Doy-Manuel Morate sigue preocupando a los vecinos de Trubia y a los ecoloxistes. La Coordinadora Ecoloxista d’Asturies solicitó al Conceyu d’Uviéu que paralice la llegalización de delles instalaciones de la empresa.
 
En concreto, a lo que se refier la Coordinadora Ecoloxista ye a la situación de 17 fornos de la batería B33 y cuatro descargaderos de carbón construyíos de manera illegal. La organización ta acabante de presentar alegaciones ante’l Conceyu d’Uviéu “con motivu del trámite d’información pública de la autorización de llicencia pa Doy-Manuel Morate con motivu del trámite de llegalización” d’estes instalaciones. “Esta empresa vien recibiendo denuncies de los vecinos dende hai años pol estáu de precariedá de les sos instalaciones qu’obligó al pieslle, tornando a funcionar en precariu a pesar de les denuncies continues feches”, recuerden dende la Coordinadora.
 
Según la información de la organización ecoloxista, los fornos y los descargaderos de carbón construyéronse “ensin llicencia, tal como se fai constar nel informe municipal axuntu, del 4 de xunetu del 2004, emitíu pola Seición de Llicencies”. “Como yá comentamos en delles vegaes, esta instalación nun tán en condiciones de siguir funcionando nuna zona urbana al presentar un nivel de precariedá ambiental significativu, con importante contaminación nel entornu, tal como se comprobó en munches ocasiones tanto por parte del Ayuntamientu como del Principáu”, señalen.
 
Pa la Coordinadora, la llegalización de les instalaciones de Doy-Manuel Morate, “agravaríen los problemas que se xeneren” n’actualidá, yá que l’oxetivu de la industria ye “aumentar la producción, lo que conlleva más consumu de carbón y más producción de mineral de coque”. L’aumentu del ruíu, de la emisión difusa de partícules, de los gases de combustión y de polvu son dalgunos de los problemes que provocaría la llegalización d’estes instalaciones.