La Coordinadora Ecoloxista d’Asturies denuncia vertíos al ríu Güerna poles obres de la Variante de Payares

La Coordinadora Ecoloxista d'Asturies emitió una nota de de prensa na qu'esplica que presentó una denuncia énte la Fiscalía de Mediu Ambiente poles "importantes deficiencies" nel tratamientu de residuos que xenera de la construcción de los tuneles y instalaciones auxiliares de la obra de la variante ferroviaria de Payares na parte asturiana.

La Coordinadora espera que, a partir d'esta denuncia "se tomen les midíes oportunes" pa que "mengüen o desapaezan estos vertíos" de los qu'echa la culpa "a la falta de previsión del énte xestor d'infraestructures Adif y a la tolerancia de Gobiernu asturianu y Confederación Hidrográfica del Norte". La Coordinadora recuerda que la documentación d'impactu ambiental de la obra manda que "los aceites, combustibles, restos d'hormigón o escombros nun van poder vertese directamente al terrén o a los cursos d'agua" un puntu qu'afirmen que s'incumple sistemáticamente, xenerando una situación de la que'l Ríu Güerna "va tardar munchu tiempu en poder recuperase". Los ecoloxistes afirmen que l'ecosistema del ríu ta dañándose gravemente y que, de nun entornase la situación, va siguir sufriendo esi dañu los años que dure la obra.