La Coordinadora Ecoloxista alega contra dos caminos pioniles en Llanes y Cuaña

La Coordinadora Ecoloxista presentó alegaciones a dos proyectos de caminos pioniles costeros que tan a trámite d'información publica por atalantar que van suponer un dañu al mediu ambiente. Trátase del camín ente San Antolín y L'Aguañaz en Llanes y el d'Ortigueira y El Espín en Cuaña.

Dende la Coordinadora alvierten qu'estos dos caminos amiéstense a la rede de caminos que se quier construyir y que doblen y dacuando tripliquen l'anchor d'otros caminos que yá existen. Dende'l colectivu conservacionista camienten que la política de diseñu d'estes víes supón l'aplicación al mediu rural y costeru de criterios urbanos que nun concasen col cuidáu de la naturaleza. Como alternativa,los ecoloxistes proponen entamar carriles-bici amestándolos a les carreteres que yá existen y afirmen nun tener conocimientu de que los proyectos espuestos a información pública pudieren encontase nun supuestu Plan que vien de 1997 y del qu'aseguren que nun tienen conocimientu nin saben si llegó a salir a información pública. Al empar, la Coordinadora pide que los dos proyectos pasen trámite d'evaluación ambiental y fai un llamáu a que la documentación que s'apurre sía más completa, sobremanera, nel casu de Cuaña, onde nun se fai referencia a la playa de Foxos, de gran valor mediuambiental y que tien especies protexíes.