La Conseyería de Salú celebra'l xueves una xornada de vacunación ensin cita previa

|
La Conseyería de Salú celebra mañana una xornada nueva de vacunación ensin cita previa

Los equipos sanitarios van alministrar primeres y segundes dosis contra la covid, amás de la de recuerdu namás a mayores de 70 años qu’entá nun la recibieren.

El Serviciu de Salú del Principáu (Sespa) entama esti xueves 30, víspora de Nuechevieya, una xornada nueva de vacunación frente a la covid ensin cita previa. Esta midida pretende facilitar l'accesu a la profilaxis a la población residente n'Asturies pendiente de vacunar, énte la medría de contaxos de coronavirus rexistrada nes últimes selmanes.

Nesti casu, va alministrase namás la primera y segunda dosis de la vacuna, amás de la recuerdu puramente a persones mayores de 70 años. La Conseyería de Salú recuerda que pa recibir les vacuna de refuerzu y la profilaxis de la población pediátrica ye necesaria una cita previa del Sespa.

Los espacios y horarios previstos pa la vacunación nes ocho árees sanitaries son los siguientes: 

  • Área sanitaria 1 (Xarrio). Serviciu de Prevención de Riesgos Llaborales del Hospital de Xarrio, de 12:00 a 13:00 hores.
  • Área sanitaria 2 (Cangas del Narcea). Área d’estracciones de consultes externes del Hospital Carmen y Severo Ochoa, en Cangas del Narcea, de 16:00 a 18:00 hores.
  • Área sanitaria 3 (Avilés). Centru Comercial Parque Astur, n’Avilés, de 15:00 a 17:00 horas.
  • Área sanitaria 4 (Uviéu). Área d’extracciones del HUCA, n’Uviéu, de 16:00 a 20:00 hores.
  • Área sanitaria 5 (Xixón). Palaciu de Deportes de La Guía, en Xixón, de 16:00 a 19:00 hores.
  • Área sanitaria 6 (Oriente). Polígonu d'Aguamía, en Ribeseya, de 13:00 a 15:00 hores.
  • Área sanitaria 7 (Caudal): puntu de vacunación del Hospital Vital Álvarez Buylla de Mieres, allugáu na planta 0, de 18:30 a 20:00 hores.
  • Área sanitaria 8 (Nalón): Centru comercial Valle del Nalón, en L'Entregu, de 13:00 a 15:00 hores.

Toles persones residentes n’Asturies que quieran recibir la profilaxis han acudir col carné de identidá a los puntos habilitaos. La iniciativa se enmárcase na campaña Vacúnate ho/Vacúnate ne, de la Conseyería de Salú, pa captar a la población pendiente d’inmunizar al traviés de l’autocita.​​​

Contador Estadistiques