La Conseyera de Cultura asegura la continuidá de la Xunta de Toponimia

La conseyera de Cultura, Turismu y Deportes, Encarnación Rodríguez Cañas, aseguró na so comparecencia d'esta selmana na Xunta Xeneral del Principáu, que'l llabor de la Xunta de Toponimia va siguir a lo llargo d'esta llexislatura y anunció nel so plan de midíes a llevar alantre otrs propuestes de normalización del asturianu, como l'inxerimientu n'asturianu dientro del Boletín Oficial del Principáu de testos llegales n'asturianu.

La Conseyera anunció estes midíes nuna comparecencia na que pidió más personal y estructures de xestión nueves pal so departamentu. Ente les novedaes que prometió la titular de cultura tán la celebración d'un Festival Internacional de Branu de teatru, música y danza y la realización, anque con modificaciones, del Plan Director del Prerrománicu. En desarrollu de la Llei de Patrimoniu Cultural, aprobada va ya 5 años, Encarnación Rodríguez comprometióse a que se redactare'l Plan Integral de Patrimoniu nel plazu d'un añu, dalgo que-y paeció escesivo al diputáu d'IX-BA-LV Javier García Valledor, que pidió que se partiera pa ello de documentos yá ellaboraos. Más tiempu va facer falta, según esplicó la conseyera, pal Inventariu de Bienes Culturales, que va precisar de cuatro años.