La Comisión d'Ética de la FSA proclama a Barbón como secretariu xeneral

El presidente del país yera l'únicu candidatu que se presentara. El 33 congresu socialista va celebrase del 17 al 19 d'avientu n'Uviéu.

Esta mañana confirmóse la continuidá d'Adrián Barbón como secretariu xeneral de la Federación Socialista Asturiana (FSA-PSOE), cargu qu'ocupa dende'l 2017 al ganar les primaries a José María Pérez. La Comisión d'Etica de la organización dio'l preste la candidatura del llavianés, única presentada, al contar col máximu d'avales afitáu nes bases de convocatoria del Congresu de la FSA.

"Hai cuatro años salí escoyíu nun igualáu procesu de primaries, abanderando'l cambiu. Güei fui proclamáu sintiendo qu'esi apoyu y ciñu incrementóse, reforzando la llinia entamada pa tar más cerca de la sociedá y de la ciudadanía. Faciendo una FSA abierta a Asturies y al so territoriu, arguyosa de la nuesa tierra, la so historia y la so cultura", espresó Barbón, que rescampla "la democracia interna y la defensa d'Asturies" de la so organización frente a otres que nieguen "la participación democrática de la so militancia, imponiendo-y los sos máximos dirixentes dende Madrid".