La comisión del casu Marea pide información de los contratos cola empresa del fíu de Riopedre

UVIÉU, 17 de Xineru (EUROPA PRESS)

Los miembros de la comisión d'investigación parlamentaria del casu Marea, la presunta trama de corrupción na contratación pública del anterior gobiernu rexonal socialista, acordaron esti xueves, ente otros pidimientos d'información, solicitar al gobiernu d'Asturies documentos relativos a los contratos ente la empresa Geogal, del fíu d'ún de los imputaos, l'exconseyeru d'Educación, José Luis Iglesias Riopedre, y l'alministración rexonal, asina como cola empresa constructora y promotora Sedes, na que'l Gobiernu asturianu tien participación.