La Col.lá Propinde presenta “Güeria” nel Café Trisquel

El grupu de folk-rock de Pola L.lena "La Col.lá Propinde" presenta esta tarde'l so últimu discu "Güeria" nuna actuación en directo que va tener llugar nel Café Trisquel de Xixón, na Cai Marqués de San Esteban y que va entamar a les 21:30 hores.

El repertoriu d'esti segundu trabayu de La Col.lá Propinde, que llega dos años depués del famosu "l.l" ye continuista col espíritu de la banda, ufiertando folk-fusión con delles influyencies de reggae y otros estilos con dello de composición propio sobre temes tradicionales y dalguna pieza irlandesa adaptada al estilu de La Col.la Propinde. El grupu sí que va presentar una novedá nesti directu pa munchos de los sos siguidores tres de la entrada d'un nuevu cantante, "Lolo" mientres que los demás puestos de la banda queden como taben. Lo que de xuro que nun va faltar ye l'entretenimientu con esti grupu, que ye de los más folixeros.