La Coḷḷá Propinde actúa esti xueves nel Tierra Astur de Cualloto

El Tierra Astur Águila, de Cualloto, acueye esti xueves un conciertu-espicha de los ḷḷenizos La Coḷḷá Propinde. La banda folk, con más de diez años de vida, yá ta trabayando nos temes de lo que será’l so cuartu discu.
 
La cita de güei ta prevista pa les 21.30 hores y tien un preciu de 17,50 euros, qu’inclúi una espicha previa al conciertu. La banda de La Pola Ḷḷena, que siempre axunta a un bon puñáu de xente nes actuaciones de los xueves del conocíu restorán de temática asturiana, fadrá baillar a los presentes hasta bien entrada la nueche.
 
Con trés discos al llombu y más de diez años sobre los escenarios, La Coḷḷá Propinde yá ta trabayando nos cantares de lo que será’l so cuartu discu. Previsiblemente, los ḷḷenizos entrarán a grabar nel estudiu a últimos d’esti añu o a primeros del qu’entra.