La cifra d'hospitalizaos con COVID-19 llega a 114

Esti llunes rexistráronse 224 contaxos.

Siguen aumentando día a día les hospitalizaciones y la cifra yá s'avera a los 150 que marcó la Conseyería de Salú pa recomendar restricciones. Ayeri había 114 hospitalizaos polos 99 del domingu, de los que 97 tán en planta, 14 más, y 17 n'UCI, 1 más.

No que respeuta a los casos nuevos, detectáronse 224 depués de los 262 del vienres, 204 del sábadu y 132 del domingu. Nun hebo que llamentar nenguna muerte con COVID-19 na xornada.

Na semeya, puntu de vacunación COVID-19 nel centru comercial Valle del Nalón onde dende mañana 13.000 persones de 60 a 69 años tán citaes pa recibir la tercer dosis.