La ciclista Alicia González algama la plata sub-23 nel Estatal en ruta

La prueba disputóse n'Alicante con trunfu de la mallorquina Mavi García.

Alicia González (Lointek Team) fíxose cola medaya de plata en categoría sub-23 tres una gran actuación del combináu asturianu que, sicasí, nun foi suficiente pa superar a la vencedora de la prueba y nueva campeona d'España de fondu en carretera, Mavi García. La ciclista balear escapábase nel quilómetru 72 xunto cola asturiana y Gloria Rodríguez, que nun pudieron aguantar el fuerte ritmu.

Finalmente Ana Sanchís (Wiggle-Onda) y Sheila Gutiérrez (Cylance Pro Cycling) completaron el podiu de la prueba, siendo Gutiérrez amás primer sub-23. Mentes, González tuvo que conformase con una quinta plaza que la confirmó como segunda meyor sub-23. La so hermana Lucía González (Lointek Team), pela so parte, finó sesta y Aida Nuño (MMR Bikes), octava, cola madrilana Rocío García, bronce sub-23, ente les dos.