La CHC esixe a Enel Green Power que valte la presa de Pé da Viña nel Eo

|
Presa de Pé da Viña

Enel Green Power finó la concesión de la presa de Pé da Viña, asitiada nel Eo al altor de San Tiso d'Abres, qu'agora esixe valtar la Confederación Hidrográfica del Cantábricu (CHC). La Coordinadora Ecoloxista d'Asturies considera que l'aición ye importante pa la sobrevivencia d'especies como los salmones y les anguiles.

La CHC ta acabante d'esixir a Enel Green Power España la presentación d'un proyeutu pa valtar la presa construyida nel 1907 ente'l conceyu lucense de Trabada y l'asturianu San Tiso d'Abres, asina como de toles obres complementaries d'esti obstáculu. "La so eliminación a costa del concesionariu supondrá una meyora evidente del Eo y de les sos zones protexíes", destaca la Coordinadora.

"Hai que recordar que nel Eo esisten poblaciones de peces migradores como l'arencón (Alosa alosa), el salmón atlánticu (Salmo salar) o llamprea marina (Petromyzon marinus), al empar que ye abellugu de l'anguila (Anguilla anguilla), especie en peligru críticu", polo que la desapaición de la presa "va suponer una meyora evidente pa la fauna venceyada al calce del ríu". D'igual forma, los ecoloxistes esisten que se valten dellos obstáculos del ríu que yá nun s'usen y "suponen un impautu nidiu" nél.

 

 

Contador Estadistiques