La casa editorial Suburbia estrena web

La editorial Suburbia, qu'entamó esti añu les sos actividaes editoriales, yá ta na rede con una web propia. La editorial comenta que la páxina nun naz "con propósitu de ser sólo una mera esposición de les novedaes editoriales si non que quier ser un espaciu vivu de collaboración ente la editorial y los escritores" amás de facer de "escaparate de la riqueza de la lliteratura, la llingua y la cultura asturiana".

Una sección llamada Inéditos ta abierta a la participación de los llectores, a los que se convida a unviar "cuentos curtios, microrelatos o poemes".