La Calzada va poder por fin competir n'Europa

|
Aida Nuño y José Ramón Tuero con La Calzada

L'equipu xixonés de balonmano femenín axunta les perres necesaries pa convertise nel primer equipu asturianu d'esti deporte en xugar pel continente llueu de finar cuartu en Lliga.

A la tercera foi la vencida. Llueu de tener qu'arrenunciar en dos ocasiones a xugar n'Europa por cuestiones económiques magar algamar el derechu nes canches, el Club Balonmano La Calzada pudo inscribise a la EHF European Cup pa la temporada próxima.

Necesitábense 50.000 euros, de los qu'algamó 30.000 gracies a aportaciones privaes y al sofitu del Conceyu y el Gobiernu. La direutiva del club xixonés cuenta con recaudar los 20.000 restantes nos próximos meses pa cumplir el gran suañu de xugar n'Europa, convirtiéndose asina nel primer equipu asturianu de balonmano en facelo.

Na semeya, Aida Nuño, direutora xeneral de Deportes, y José Ramón Tuero, conceyal d'Actividá Física, Deporte y Distritu Rural, nos estremos, xunto con xugadores y miembros del club.

Contador Estadistiques