La Biblioteca de Ribeseya yá lleva'l nome de la escritora Enriqueta González Rubín

La inicitiativa de Pueblu contó en Plenu col sofitu del PSOE y Ciudadanos, mentes que Foro y Partido Popular (PP) astuviéronse na votación.

Biblioteca Enriqueta González Rubín. La escritora de Santianes, autora de la primer novela n’asturianu, ‘Viaxe del Tíu Pacho el Sordu a Uviedo’ (1875), y un referente del so tiempu, yá pon nome a esta instalación, según alcordaron el miércoles los grupos municipales.

Anque nun primer momentu la intención de Pueblu ye que tola Casa Cultura recibiera'l nome de la escritora, la falta de consensu ente les fuercies polítiques impidió que l'encamientu presentáu en xineru del 2021 saliera alantre. L'asuntu llevóse a un Comisión, qu'espublizó y abrió un periodu d'esposición de méritos, que se repetería depués por un error de forma nun documentu favoratible presentáu nel primeru.

Nel segundu Pueblu y l'Asociación de Vecinos de Santianes presentaros nueves esposiciones de méritos, abriéndose un procesu que finó cola votación en Plenu. El dar el nome de l'autora a la Biblioteca salió con 7 votos a favor –los del Pueblu, el PSOE, Ciudadanos y el conceyal non adscritu, ex de Foro, Juan Carlos Valle– y 4 astenciones –los del PP y la edil de Foro María José Bode–.

Nel mesmu puntu alcordóse recordar a los hermanos Uría Aza con una placa na entrada de la sala d'esposiciones. El PP, qu'argumentó tar en contra de dar nome de persones a edificios públicos p'astenese, solicitó con una moción d'urxencia, ensin ésitu pola negativa del alcalde Ramón Manuel Canal, votar dambes coses per separtáu, pa que, sorprendentemente, esi espaciu se denominara col nome de los artistes.

"Tamos mui contentos", espresó Ricardo Pedro Cangas, conceyal de Pueblu, "y anque la idea primera ye que fora tol edificiu, creemos qu'Enriqueta taría mui contenta de que la biblioteca lleve'l son nome". Considera que, d'esta forma, "les nueves xeneraciones van tener un referente y van conocer quién foi esta figura importante pa Ribeseya".

Na semeya, la Biblioteca de Ribeseya Enriqueta González Rubín.