La Bandina fai la estrena d'un video musical

El Club Prensa Asturiana de La Nueva España va acoyer güei a les
19:00 hores la presentación del videoclip de "Na Caleya",
ún de los temes del últimu discu del grupu asturianu La Bandina.
Van tar presentes nel actu miembros del grupu xunta'l realizador del video
Javier Lueje y el productor del mesmu Juan Tizón.



La Bandina sigue d'esta manera promocionando'l so últimu trabayu
discográficu
"de
romandela", onde s'inxer ún de los cantares más
conocíos y folixeros del grupu como ye "Na Caleya". El tema ye
l'adaptación d'un tema tradicional bretrón a una lletra creada
polos miembros del grupu onde van quitando'l fatu tradicional a un paisanu prenda por prenda.




Darréu de la proyección del video, va presentase a les 20:00
hores nel mesmu sitiu'l llibru "Arte popular asturiano" d'Alberto
Álvarez Peña y Inaciu Hevia Llavona. La presentación va
facese proyección de diapositives y nella tamién va intervenir el
responsable de la editorial CH, José Ramón García del
Castillo.