La Bandina, Corquiéu y Skama la Rede finalistes del premiu al meyor cantar n'asturianu d'Asturies.com

"Na Caleya" de La Bandina, "Internacionalista" de Skama
la Rede y "Llara" de Corquiéu son los trés cantares que
más votos recibieron na primer fase d'esti
Premiu Asturies.com al
meyor cantar n'asturianu 2005. Agora estos trés temes van competir
ente ellos al traviés d'un Conceyu Abiertu onde
los nuesos llectores van poder votar a ún de los trés cantares y
opinar sobre ellos.



Les votaciones tuvieron mui reñíes hasta l'últimu
momentu, como ye'l casu de "Viquina", tamién de los
ribeseyanos Corquiéu, "Comparte" de K-Nalón, y
"Esnalar" de Llangres que tuvieron bien cerca de metese ente los
finalistes. Más p'atrás yá quedaron otros grupos y
cantares como'l "Cantar" de Toli Morilla o "El Manteru " de
Dixebra.



Otra manera, d'equí a pocos díes Asturies.com va dar anuncia de
los ganadores de los llotes de regalos que sortiamos, gracies a la
collaboración de los nuesos patrocinadores, les cases de discos
L'AGUAÑAZ y
FONOASTUR, los locales
EL CAFÉ TRISQUEL y EL BARUKU,
l'asociación
ESCUELA
DE MÚSICA TRADICIONAL LA QUINTANA DE XIXÓNy la empresa
ARAZ NET.



Namás que nos queda convidar a tolos llectores d'Asturies.com a que
participen nel Conceyu Abiertu d'esti premiu y nos
dean la so
opinión pa saber cual foi'l meyor cantar n'asturianu 2005
según l'audiencia d'Asturies.com.