L’Intercélticu d’Avilés da anuncia de la so programación

El XVI Festival Intercélticu d’Avilés, que va celebrase ente los díes 16 y 22 de xunetu, dio anuncia de la so programación completa. Ente los artistes que van actuar destaquen los quebequeses “La Bottine Souriante”, el gallegu Carlos Nuñez y los artistes bretones Dan Ar Braz y Gwennym.
 
La XVI edición d’esti festival, declaráu “Fuesta d’Interés Turísticu Rexonal” va trayer a Avilés y la so comarca la semana qu’entra una bona amuesa de la cultura musical del nuesu país y d’otros países del llamáu Arcu Atlánticu como Irlanda, Bretaña, Escocia o Galicia. Amás va contar con presencia tamién de músicos de Llión y Quebec.
 
El programa completu puede consultase na web del Festival.