L’Institutu de Creitu Oficial va financiar a les comunidaes la metá de la deuda qu’han de pagar nel 2012

El Gobiernu va abrir una llinia del Institutu de Creitu Oficial (ICO) pa financiar la metá de les devoluciones qu’han de facer les autonomíes nel 2012. Elena Salgado dio esta anuncia tres el Conseyu de Política Fiscal y Financiera del miércoles.
 
Esta llinia, a la que les comunidaes van poder acudir de forma voluntaria, va tener un plazu d’amortización de trés años y va destinase a pagar a proveedores, señaló la vicepresidenta primera del Gobiernu estatal y ministra d’Economía y Facienda. Según Salgado, esta fórmula ye “más razonable” que la petición del PP de que s’aplacen les devoluciones de los adelantos a cuenta pa dotar de más lliquidez a les comunidaes autónomes. Al respeuto, apuntó que, en primer llugar, nun deberían presentase problemes de lliquidez pa les autonomíes nos años próximos, pero que “en caso d’esistir dalguna dificultá, plantearíase nel 2012”, y añadió qu’estes devoluciones nun computen nel déficit nin suponen, por tanto, un tope del gastu, colo que’l so aplazamientu namái pue servir pa reducir l’endeudamientu o pagar a proveedores.
 
Salgado, que recordó qu’esta midida ye solo una propuesta, yá que requeriría una modificación llegal, tuvo una acoyida “razonable” en primera instancia por parte de les comunidaes autónomes, y avanzó que podría tar en marcha nel 2012. Al mesmu tiempu, confirmó que les comunidades autónomes aprobaron “ensin nengún votu en contra”, l’aplicación d’una regla de gastu “individual” en cada una d’elles, norma qu’habrán de concretar nun proyeutu normativu nos sos respeutivos parllamentos nun plazu de seis meses.
 
El Conseyu de Política Fiscal y Financiera tamién sacó alantre l’oxetivu d’estabilidá presupuestaria individual de les comunidaes pal periodu 2012-2014, que permite un déficit del 1,3 por cientu del PIB autonómicu nel 2012; del 1,1 por cientu, nel 2013; y del 1 por cientu, nel 2014. Sicasí, l’aprobación d’esti plan algamóse cola astención de toles comunidaes autónomas gobernaes pol Partido Popular (PP), dalgo a lo que Salgado quitó importancia diciendo que “cuando’l PP nun ta en contra, astiénse”. Amás, la ministra informó de que na reunión aprobáronse los planes de reequilibriu pendientes d’Andalucía, Extremadura, Illes Balears y la Comunitat Valenciana. Agora namái queda por dar lluz verde a los de Catalunya y Castilla-La Mancha.