L’exércitu va siguir n’Afganistán hasta “garantizar la seguridá”

|

El presidente del Gobiernu español, José Luis Rodríguez Zapatero, aseguró que la "fueya de ruta" que los estaos de la OTAN van afitar en payares sobre la retirada de les tropes n'Afganistán va tener "un marxe por precaución".

Nuna entrevista a RNE recoyida por Europa Press, José Luis Rodríguez calificó de "bien importante" la próxima xunta de la OTAN na que se va deber "avanzar" nel procesu de tresferencies de seguridá a les autoridaes afganes. Según dixo, el procesu empezó "poco a poco" y tendrá que dotase de "una gran consolidación" nel 2011.
  
A partir d'esa próxima cita, el xefe del Executivu español remarcó que se va contar con "una cierta fueya de ruta" que "nun va poder ser inamovible", porque la salida de los continxentes militares tien que producise, sorrayó, "en paralelo a que los soldaos y la policía afgana tean en condiciones de garantizar la seguridá".
 
"Vamos dar pasos nel conceyu de la OTAN, previsiblemente la fueya de ruta va tener indicadores más averaos pero tengo que dicir que vamos tener que tener siempre un marxe por precaución hasta que consolidemos la seguridá colos esfuerzos propios d'esi país tan difícil que ye Afganistán", acabó.
 

Contador Estadistiques