L’Audiencia Nacional paraliza l’esmonte l’Alto Aboño

L’ausencia del estudiu d’impactu ambiental y la desproteición que causaría nes playes de Xibares y Peña María llevó a l’Audiencia Nacional a paralizar l’esmonte l’Alto Aboño. Los vecinos van lluchar pola reposición de tolos daños causaos.
 
D’esta forma, l’Audiencia Nacional estima’l recursu del Conceyu de Carreño y anula de forma definitiva la orde que permitía l’ampliación del Plan d’Utilización d’Espacios Portuarios del Puertu El Musel a las 32,4 hectáreas del Alto Aboño pa proceder a la so esplanación. El xuez del tribunal nun la considera axustada a drechu.
 
L’Asociación de Vecinos de Xibares ‘El Tranqueru’ mostró la so satisfaición pola sentencia, que tien el mesmu sentíu que la suspensión cautelar dictada pol Tribuna Supremu nel mes de payares. Tres el fallu, los vecinos de Xibares aseguren que van siguir cola llucha pola reposición de los daños fechos nos edificios, llavaderos, estatues y parques del Alto Aboño y que taben "fuera de la legalidá".