L’ataque cibernéticu zarró 15 hores les webs de SGAE y Cultura

|

Hasta más de 15 hores dempués del ataque (10.00 hores del xueves 7 d'ochobre), les webs del Ministeriu de Cultura y de la SGAE tuvieron incaccesibles pa los internautes pol ataque orquestáu pol grupu ciberactivista internacional Anonymous.

L'amenaza del grupu cumplióse y les webs del Ministeriu de Cultura y la Sociedá Xeneral d'Autores y Editores (SGAE) sufieron el primer ataque sobre les 18:30 del miércoles 6 d'ochobre.
  
Trátase d'un ataque de denegación de servicios distribuyíos (DDoS) y enmárcase nuna iniciativa llamada 'Operation Payback', convocada y entamada por usuarios del portal americanu '4Chan'.
  
D'esta forma, dende'l miércoles cualquier qu'intentare acceder a la web de SGAE  o del Ministeriu de Cultura alcontraba que'l navegador nun yera a cargales.
  
Fontes del Ministeriu de Cultura consultaes por 'Portaltic' tres el primer ataque confirmaron que la cayida de la web foi consecuencia d'un ciberataque que los dexó sin conexón a Internet, de manera que'l personal nun pudo navegar o enviar correos electrónicos.
  
Respuesta al zarru de webs

Esti ciberataque conxuntu lleva delles selmanes en marcha con distintos oxetivos, en respuesta al intentu de zarru de webs d'intercambiu de ficheros.
 

Contador Estadistiques