L’Arribada proyecta un curtiu dobláu n’asturianu

L’Arribada aporta esti vienres 26 a Villaviciosa. La proyección de “L’especial de Navidá paramilitar de Lobo”, curtiumetraxe dobláu al asturianu, axúntase a la de “La nueche de los muertos vivientes” y a una mesa redonda.

El Teatru Riera de Villaviciosa acueye la segunda edición de L’Arribada nesti conceyu. L’actu ta entamáu en collaboración cola asociación maliaya La Campaña de Rochel y va arrancar dende les 19 hores del vienres 26 de payares.

“L’especial de Navidá paramilitar de Lobo” ye ún de los platos fuertes d’esta edición. Trátase esti d’un curtiumetraxe subtituláu al asturianu sobre una historia de Lobo, personaxe de DC Comics.

Zombies
El curtiumetraxe comparte protagonismu cola mesa redonda “Zombies na lliteratura y el so treslléu al cine”, na que participen Jesús Parrado, Alberto Álvarez Peña y Illán Gonzali. L’actu va pesllase cola proyección de “La nueche de los muertos vivientes”, primer llargumetraxe dobláu en llingua asturiana.