L’Arribada analiza’l puxu lliterariu dau pola sociedá civil

L’Arribada y l’Atenéu Obreru entamen esti xueves una mesa redonda sobre la participación de la sociedá civil na promoción lliteraria. Nella van intervenir representantes d’entidaes culturales xixoneses.

“El movimientu de reivindicación llingüística tien llograo dende va tiempu la valoración d’una parte primordial del patrimoniu cultural autóctonu, como ye la lliteratura escrita en llingua asturiana”, asina introduz l’Arribada la mesa redonda “Sociedá civil y promoción lliteraria”.

Representantes de L’Atenéu Obreru, de la Tertulia Cultural ‘El Garrapiellu’ y de l’Asociación Cultural l’Arribada, van intervenir nesa mesa redonda p’analizar cómo la participación ciudadana fomentó el trabayu d’autores asturianos y de les sos obres.

L’actu va celebrase esti xueves 16 a les 20 hores nel local del Atenéu Obreru de Xixón.