L’Arribada analiza’l presente y el futuru de la lliterarura n’asturianu esti llunes en Xixón

Dellos escritores van analizar na tarde d’esti llunes el presente y el futuru de la lliteratura n’asturianu. Esta charra entamada por L’Arribada ta encuadrada dientro de les XI Justas Literarias de Xixón que tán celebrándose en L’Arena.
 
L’actividá prevista pa esta tarde tien como títulu ‘Presente y futuru de la lliteratura n’asturianu’ y nella van participar los escritores Aurora García Rivas, Milio Rodríguez Cueto, Xicu Monteserín, Armando Vega y Humberto Gonzali. L’actu va facese nel salón d’actos del Centru Municipal Integráu de L’Arena, situáu na cai Canga Argüelles númberu 16-18, nel parque’l Gas, a partir de les 19.30 hores.
 
Esta charra, qu’entama l’Asociación Cultural L’Arribada, forma parte de les XI Justas Literarias, actividá qu’acueye en L’Arena delles charres y actividaes entamaes por dellos coleutivos. Asina, pal 28 d’ochobre, a les 20 hores, ta prevista la presentación del llibru ‘La eterna pubertad de Lino’, de José Antonio Fernández Sánchez, ganador XXV Premio Cálamo de Poesía Erótica, y pal 7 de payares, a les 19.30 hores, la representación de ‘Federico García Lorca: muerte de un poeta’, a cargu de la compañía Teatro del Norte.