L’Antroxu, una folixa que celebren la metá de los llectores d’Asturies.com

Güei, Miércoles de Ceniza, entama la Cuaresma tres l’Antroxu, una folixa que celebren la metá de los llectores d’Asturies.com. Según la encuesta fecha en Conceyu Abiertu, un 55 por cientu participa de dalguna manera nestes xornaes festives.
 
Por contra, un 45 por cientu de los nuesos usuarios afirmen nun celebrar l’Antroxu, fiesta con muncha tradición n’Asturies que foi recuperada tres la dictadura adaptándola a los tiempos modernos tomando como referencies carnavales comos los de Río, Cádiz o Tenerife. Ente los llectores qu’afirmen vivir l’Antroxu, un 10 por cientu diz participar en delles actividaes de los cincos díes de folixa y, claro ta, amazcarase. Mentes, el 28 por cientu señala que namái amazcárase pa salir una nueche de comedia y un 17 por cientu refuga antroxase, pero disfruta de les delicies típiques d’esta celebración, como los frixuelos, teresites o picatostes, amás de los menús d’Antroxu qu’ofrecen dellos restoranes del país.
 
Mañana, los usuarios d’Asturies.com van poder votar una encuesta nueva na seición Conceyu Abiertu.