L’ALLA va entregar esti vienres los premios de los sos concursos

El nuevu llar social de l’Academia de la Llingua Asturiana (ALLA) nel Monasteriu de San Pelayo va acoyer esti vienres per primer vegada la entrega de premios de los concursos del 2011. L’actu va principiar al meudía.
 
Los premios que va entregar l’ALLA mañana son los de los Concursos d’Investigación –de recoyida de material toponímico y de léxicu asturianu–, amás del Concursu de llectures pa rapazos, el Concursu de creación lliteraria ‘Premiu Llorienzu Novo Mier’, el Concursu de material lliterario escrito ‘Premiu Federico González-Fierro Botas’, y el Concursu de Teatru. La novedá d’esti añu ta na sede onde los ganadores de los concursos van recoyer los sos premios, que pasa del Hotel NH Principado d’Uviéu al nuevu llar social asitiáu na cai L’Aguila númberu 10.
 
L’ALLA ocupa les dependencies antigües del Archivu Históricu, nel Monasteriu de San Pelayo, dende finales d’ochobre del añu pasáu. D’esta forma, el Gobiernu d’Asturies cumplía una vieya aspiración de la institución, yá que la sede anterior yera mui pequeña pa les necesidaes académiques.