L’Atenéu Obreru de Xixón cumple 125 años

L'Atenéu Obreru de Xixón presentó ayeri los actos colos que va celebrar los sos primeros 125 años d'historia. Un ciclu de cine de la directora Icíar Bollaín, conferencies, esposiciones, obres de teatru, la publicación de dellos trabayos y un concursu internacional d'axedrez en categoría sub-20 centren el programa d'esta institución nacida del enfotu de los republicanos de Xixón nel 1881 y que tuvo trancada dende la fin de la Guerra Civil hasta 1981 en qu'un grupu d'ateneistes de vieyo y otros más nuevos lu recuperaron.

El ciclu de cine d'Icíar Bollain va ser el primeru de los actos a desarrollar, entamando les proyecciones en Teatru Xovellanos esti mes de xineru en Teatru Xovellanos colo títulos "Baja, corazón" y "Hola, ¿estás sola?" el mesmu llunes 30. El martes 31 van proyectase "Los amigos del muerto" y "Flores de otro mundo" pesllando'l ciclu "Amores que matan" y "Te doy mis ojos" el miércoles 1 de febreru.

Una esposición sobre la historia del Atenéu va tomar el mes de setiembre les sales del Antiguu Institutu Xovellanos, mientres qu'otra esposición organizada pol Atenéu
va amosar les caricatures inédites feches pol dibuxante Emilio Vera na cárcele d'El Coto y nes qu'apaecen los sos compañeros de represión tres de la Guerra, dellos personaxes históricos y conocíos.