L’Asociación Xeira falló’l so premiu de narraciones

L'Asociación cultural de defensa del gallego-asturianu Xeira falló'l pasáu día 7 la XV edición del so "Premio Xeira de narracióis curtias en gallego-asturiano". El xuráu, formáu por Rafael Cascudo Noceda, Alfredo González Fernández y José Manuel Martínez Castro alcordó por unanimidá concedé-y el primer premiu del certame, dotáu con 500 al escritor Ricardo Saavedra Fernández-Combarro, pol so rellatu "As partixas". N'ateriores ediciones d'esti mesmu certame ganaren Aurora García Rivas col rellatu "As cereixas" (2003) y l'autora de Castripol Ágata García Castro pol relatu "gol" nel 2004.

El ganador d'esta convocatoria, nacíu nel añu 1977, ye natural d'Uviéu y llicenciáu en Filoloxía Hispánica, alcontrándose anguaño rematando la so formación como doctorando en Teoría de la Lliteratura. Escritor tamién n'asturianu, a los sos pocos años tien ganaos yá dellos certames lliterarios, ente II Concursu de narraciones curties de Campucasu y el segundu premiu nel Concursu de "cuentos pola oficialidá" de Bimenes, amás de ser finalista nel certame Art Nalón.