L’Academia de la Llingua recibió l’homenaxe de Valdesoto

Los responsables de los festeyos “Valdesoto d´Antañu” que se celebraron esti fin de selmana nesta parroquia de Siero ficiéron-y homenaxe a l’Academia de la Llingua Asturiana pol so llabor en defensa del asturianu a lo llargo de los últimos 25 años. El vicepresidente de la institución, Miguel Ramos Corrada, recoyó’l premiu y adelantó que l’ALLA diba atender el pidíu de los vecinos de llugar d’entamar más cursos d’asturianu nel conceyu de Siero. Al actu asistieron tamién José García en representación de la organización del “Valdesoto d’Antañu” y l’alcalde de Siero, Juan José Corrales, que defendió’l papel del so conceyu na defensa del asturianu al traviés de la Oficina de normalización de la llingua que funciona ellí dende’l 2004.