Kepa Junkera, esti domingu en Granda

Granda ye una parroquia de Xixón que dende fai unos años tien la bona costume d'organizar una nueche folk, que representa una de les poques oportunidaes pa los xixoneses de ver folk nel so conceyu.Per esta nueche folk ya pasaron grupos como "Tejedor", "Llan de cubel", "Corquiéu"...etc, amás de l'actuación de bandes gaites escoceses, asturianes y grupos de baille de diferentes llugares rellacionaos col denomináu arcu atlánticu. Esti añu vuelven a repetir el plantegamientu cola actuación de formaciones rellacionaes cola cultura tradicional durante la tarde, y un cartel de pesu pa la nueche folk. Los grupos asturianos van ser "Cuquiellu", una banda de xente mozo qu'acompañará a los mierenses "Skanda". Como estrella de la nueche actuará "Kepa Junquera" el curdionista vasco qu'algamó l'éxitu col so discu "Bilbao 00:00", y que presentó fai unos meses el so nuevu trabayu "Marem". Ye un privilexu poder ver la técnica cola trikitixa d'esti músicu, y escuchar el soníu de los txalapartaris y el restu de la banda que lu acompañen. El conciertu sedrá na carbayera de Granda y entamará a eso de les 22:00 de la nueche.