Juan Méjica gana’l II Premiu Timón pa escritores asturianos en castellanu

L'Asociación Cultural L'Arribada dio a conocer al ganador del II Premiu Timón pa escritores asturianos en castellanu. Nesta ocasión, el galardón foi pal naviegu Juan Méjica, que sucede nel palmarés del premiu a Luis Fernández Roces.
 
El xuráu conformáu por Aurora García Rivas, Carmen Rueda, Xosé Nel Riesgu, Mariam Suárez, y presidíu por don Humberto Gonzali, decidieron conceder a Méjica’l premiu ente tolos escritores nacíos enantes de 1961 presentaos por persones particulares o coleutivos pa llevase’l galadón. Méjica (Navia, 1956) ye xeógrafu, historiador, xurista y urbanista, y autor de más de 70 llibros monográficos de temes xurídiques y ensayos sobre arte, lliteratura, turismu, desenvolvimientu sostenible, arquitectura, viaxes y fotografía. Tamién ye autor de dos innovadores llibros de poesía, ‘Voces iluminadas’ y ‘El Ego español es más grande que diez plazas de toros’.
 
El ganador del II Premiu Tamón preside la Fundación Méjica, dirixe la editorial ‘Ojo x Hoja’, la revista de reflexión y espresión ‘La Manzana de las Luces’, asina como les coleiciones monográfiques ‘Asturias, Paraíso Cultural’ y ‘Asturias Estética’. Tamién ye espertu en derechu sanitariu y protagonizó delles esposiciones per Europa. Méjica va recibir el so premiu’l 17 de setiembre nun actu dientro de L’Arribada 2011. Ésti consiste nuna pintura cerámica obra del artista xixonés Jesús Castañón.