José Manuel Tejedor presenta'l discu 'Lluz' nel Palacio Valdés

|
Yolanda Alonso y José Manuel Tejedor presentación 'Lluz'

Ye'l segundu trabayu del gaiteru avilesín, qu'incorpora temes cantaos nesti álbum depués d'un primeru instrumental dafechu.

Depués de 'Miraes' llega 'Lluz', el trabayu nuevu de José Manuel Tejedor, que presenta mañana nel Teatru Palacio Valdés. Un discu que s'asoleya cola financiación d'una campaña de micromecenalgu pa cubrir los gastos d'edición edición que, a falta de 38 hores nel momentu d'escribir esta información, llevaba recaudaos 5.829 euros de los 6.000 necesarios.

Compuestu nel periodu del confinamientu y los meses posteriores del andanciu y grabáu en Tutu Estudios, el discu incorpora temes cantaos de Fany Moro y Gema Fernández interpretaos por vocalistes como Loreto Suárez o Carlos Goñi (RevólveR), que s'atreve col asturianu. El gaiteru tamién contó cola collaboración de los sos músicos habituales Richard García (teclaos), Juanjo Díaz (percusión) y Juan Yagüe (guitarra), asina como cola collaboración del irlandés Niall Vallely (concertina) o del vascu Iñaki Plaza (trikitixa), ente otres.

El conciertu de presentación del discu va tener llugar mañana a les 20 hores. El preciu de les entraes ta ente los 10 y los 16 euros.

Na semeya, Yolanda Alonso Fernández, conceyala de Cultura y Promoción de la Ciudá, y Tejedor.

Contador Estadistiques