Jesús Iglesias presentóse como candidatu d'IX

El candidatu d'Izquierda Xunida a la presidencia d'Asturies, Jesús Iglesias, afirmó dempués de conocese qu'elli ye la persona propuesta por IX pa encabezar la so llista electoral nel 2007 que la candidatura va representar "una llinia de continuidá" .

Iglesias aseguró que "IX fizo un bon llabor en toos y caún de los puestos qu'ocupó lo mesmo dientro del Gobiernu como nel Parlamentu". Un bon llabor que, de cualquier manera, va dexar a Javier Valledor, cara pública más popular del partíu y ún de los miembros más conocíos del Gobiernu asturianu, arrequexáu al segundu puestu de la llista qu'encabezare nel 2003. El Conseyu Plíticu qu'ha afitar la candidatura d'Iglesias va celebrase nel mes d'ochobre, según esplicó Iglesias. Va ser entós cuando se cubran tolos puestos de la candidatura, que tamién tien segura a Noemí Martín de númberu 3, y qu'Iglesias dixo que va ser " representativa y significativa del compromisu d'IX cola sociedá asturiana" un compromisu que la coalición va llevar a la cai al traviés d'una campaña pa dar a conocer "tolo que fexo IX nel gobiernu y les coses que nun pudimos facer". Iglesias dixo que "ficimos milagros con namás cuatro diputaos y dos conseyeros" pero alvirtió que "son precisos más cambeos" n'Asturies.

Semeya: 
Contador Estadistiques