Javier Fernández adelanta na Xunta les sos demandes a Sánchez pa la transición enerxética

Celebróse un Plenu monográficu na Cámara.

Partido Popular (PP), Izquierda Xunida (IX) y Foro solicitaron la convocatoria de dicha sesión na Xunta Xeneral, que se celebró esta mañana. Na mesma Javier Fernández fixó la posición del so Gobiernu con respeuto al carbón y la transición enérxetica, y adelantó les demandes que va presentar a Pedro Sánchez na reunión de presidentes del día 25.

Asina, el xefe del Executivu va reclamar a España que negocie con Bruxeles pa que prolongue más allá del 31 d'avientu del 2018 les esplotaciones mineres ensin tener que devolver les ayudes. Tamién que Madrid nun acelere'l zarru de les térmiques xunto con un cambiu na Llei llétrica pa que'l Gobiernu estatal tenga la decisión última del pieslle de les centrales y l'afitamientu de mecanismos pa compensar a los territorios por esta fin d'actividá.