Javier Fernández aconceya cola popular Mercedes Fernández por cuenta los presupuestos

|
Mercedes Fernández y Javier Fernández negociación presupuestos

La intención primera del presidente ye aprobalos col sofitu de Podemos y IX.

La Federación Socialista Asturiana (FSA) y el Partido Popular (PP), qu'hai dos años pautaron los presupuestos del país, aconceyaron p'abordar la negociación de les cuentes nacionales pal añu próximu. Mercedes Fernández, presidenta popular, calificó l'alcuentru a la salida de "protocolariu", lo que dexa nidio que les postures ente dambes formaciones tán alloñaes.

Nel alcuentru, amás de Javier Fernández partiparon tamién, por parte socialista, Marcelino Marcos, voceru na Xunta Xeneral; Gimena Llamedo, secretaria d'Organización de la FSA; y la conseyera de Facienda y Sector Públicu, Dolores Carcedo. Mentes, polos populares, acudieron xunto con Mercedes Fernández la vicesecretaria d'Estudios y Programa, Beatriz Polledo, y los diputaos Luis Venta y José Agustín Cuervas-Mons.

El presidente yá anunciara nel Alderique d'Orientación Política Xeneral que la so intención ye la de mirar hacia la izquierda pa evitar una segunda prórroga presupuestaria, llamando al diálogu a Podemos. Ayeri dambes formaciones celebraron el primer alcuentru, con bones sensaciones dende dambes partes.

Nesti posible alcuerdu tamién entraría Izquierda Xunida (IX), formación dispuesta al pautu cola que la FSA yá aconceyara'l miércoles pasáu.

Semeya obra d'Armando Álvarez.

Contador Estadistiques