Izquierda Xunida reclama la celebración d’un referéndum tres los escándalos de la Casa Real

Monarquía o República. Izquierda Xunida (IX) reclama la celebración d’un referéndum tres los acontecimientos que ta protagonizando la Casa Real. L’últimu ye’l viaxe del rei Juan Carlos I a Botsuana a cazar elefantes en plena crisis.
 
Cayo Lara, coordinador federal d’IX, afirmó güei que nun va haber "democracia plena" nel Estáu español hasta que'l xefe del Estáu puedan escoyelu tolos ciudadanos. "Cada vez más xente asiste plasmada a la xefatura del Estáu que tenemos, la forma d'eleición y tamién les actividaes que tamos conociendo y que dicen bien poco de l'actitú ética que tien que caltener", avisó en rueda prensa depués de qu'al rei tuvieren qu'operalu del cadril tres una cayida accidental cuando en Botsuana.
 
IX va llevar esti asuntu al Congresu con una batería de preguntes cola que, ente otres cuestiones, quier saber quién financió'l viaxe y si participaron nél empreses privaes. Lara censuró la falta "d'ética" que mostró'l rei col so viaxe pa cazar elefantes, "por nun englobar en falta d'ética total y dalguna cosa más de tolo que ta arrodiando a la Casa Real nes últimes selmanes y los últimos meses". Por ello, anunció que la so formación va llevar esti asuntu al Congresu y va pidir al Gobiernu qu'informe per escrito si tolos gastos del safari pagáronse con cargu al presupuestu públicu de la Casa Real, que, según recordó, esti añu va averase a los nueve millones d'euros. Al respeuto, recordó que la partida de la Casa Real namái va baxar un dos por cientu esti añu, y la de la Ilesia nun va modificase. "Son les dos instituciones que menos tán collaborando a salir de la crisis", remarcó.