Izquierda Xunida presenta un decálogu contra la especulación urbanística

Izquierda Xunida presentó ayeri un "Decálogu contra la especulación urbanística y la corrupción" un documentu que presentó en rueda de prensa'l coordinador d'IX d'Asturies, Jesús Iglesias, que dio anuncia de la so intención de querer inxertar les propuestes del decálogu nel so programa electoral. Ente les midíes propuestes apaez qu'alcaldes y conceyales nun tengan dende que cesen nel so cargu en cuatro años, rellaciones llaborales o comerciales coles empreses o sociedaes que tuvieron rellación directa col cargu qu'ocuparon políticamente.

El decálogu d'IX propón igualmente un compromisu a tolos partíos pa cesar de militancia a cualquier afiliáu contra'l que la xusticia dictare daqué tipu de midida cautelar como consecuencia d'una actuación urbanística. La creación nos conceyos de conseyos d'Urbanismu qu'informen a les organizaciones sociales de la política urbanistica que tea llevándose alantre, la reconversión de la ComiSión d'Urbanismu y Territoriu (CUOTA) nun Institutu permante d'Ordenación del Territoriu, o que s'acute'l 50% del suelu urbanizable nuevu pa vivienda protexida son otres de les midíes del decálogu, que tamién pide una moratoria sobre campos de golf venceyaos con urbanizaciones y que'l Conseyu Consultivu d'Asturies apurra la so opinión en toles recalificaciones de suelu pa facer más de 600 viviendes.