Izquierda Xunida llama a los partíos a afitar un itinerariu pola oficialidá

Cree que llegó'l momentu y quier entamar la reforma estatutaria necesaria "cuanto primero".

La Coordinadora d'Izquierda Xunida (IX) aprobó facer un llamamientu al restu de partíos favoratibles a afitar un fueya de ruta pola oficialidá. Nun comunicáu apunta que, "en coordinación col movimientu asturianista", va contautar con estes formaciones "pa empecipiar el procesu de cambéu llexislativu necesariu que dexe l'usu de la llingua asturiana n'igualdá de condiciones que'l castellán".

"Llegó'l momentu d'establecer un 'itinerariu' pa la oficialidá que, amás, va evitar que la estrema derecha pueda siguir utilizando l'asturianu como arma, conculcando'l derechu de los asturfalantes y atacando un patrimoniu cultural como ye la llingua tradicional", apunta la coalición, qu'entiende que "la oficialidá va tener un efectu inmediata". "Permanecer na inaición al respeutive de la oficalidá namái da oportunidá a los estremistes pa construyir mensaxes eleutoralistes", afirma.

Na semeya, Ovidio Zapico, coordinador xeneral d'IX, esta mañana na Comisión de la Salú de la Xunta Xeneral.