Izquierda Xunida de Siero convoca un concursu de relatos

Abiertu a la presentación d'orixinales n'asturianu y castellanu, el Certame de Relatos Curtios "Valentín Palacio" tien abiertu'l plazu de participación hasta'l 15 de marzu. Dotáu con seiscientos euros pal primer premiu y 300 pal segundu, el concursu qu'organiza per primer vegada l'agrupación d'IX en Siero va centrase temáticamente en narraciones sobre cuestiones sociales o polítiques y quier facer alcordanza de la figura de Valentín Palacio Fernández, históricu militante comunista de Siero y conceyal en delles llexislatures que foi maestru cola república y que tuvo a piques de morrer afusiláu na Guerra Civil, dexando alcordanza d'ello nun llibru entituláu "nunca Jamás" nel que fai estoyu de dellos episodios de la Guerra en Siero.

Los aspirantes al premiu puen presentar con una o más obres qu'han ser orixinales y inédites, con tope de dos fueyes DIN A4 de llargor mecanografiaes per una sola cara.
Los testos han unviase a les señes d'Izquierda Xunida de Siero, asitiada na Plaza Les Campes, 19 - baxu. 33510 La Pola Siero. El fallu va facese públicu'l próximu 14 d'Abril, coincidiendo cola celebración del Día de la República.