Izquierda asturiana opónse a un campu de Golf en Cuaña

El partíu políticu nacionalista Izquierda Asturiana (IAS) emitió ayeri un comunicáu en qu'espresa la so refuga a la creación en As Veigas (Porto) del campu de golf que defende l'equipu del PP que gobierna'l conceyu de Cuaña.

El calter de deporte minoritariu del golf y, sobremanera, l'altu consumu de recursos hídricos d'estes instalaciones son los principales argumentos d'IAS pa refugar el campu de golf. Al paecer del partíu políticu nun tien xacíu la construcción del campu nun conceyu nel que bien de la xente depende de l'agricultura y nel qu'amás, con tener depósitos d'agua bien curiosos, ye normal que pel branu se mande menguar el riegu. Contra la idega de que'l golf pueda suponer un reblagu positivu pa la hostelería del conceyu, en cuantes qu'esti tipu de campos tienden a ufiertar servicios hosteleros propios dientro de les sos instalaciones.

Dende IAS propónense como alternatives a la construcción del campu de golf un apueste pol turismu de calidá, ecolóxicu y respetuosu cola cultura y les posibilidaes del llugar, polo que pide que s'atienda pa iniciatives como les que se garraron n'otros conceyos del Navia-Eo p'atraer turismu, ente elles la "Feria de Mostras de A Veiga" la "Feria del Mel en Bual" o la de la fabricación, fabricación en Taramunde, polo que se propón que s'estudien les posibilidaes del Castelón de Cuaña y el castro de Mouías., al empar que se fai un llamáu a nun escaecer les atenciones e inversiones que precisa'l polígonu de Xarrio.