IX pide negociar el presupuestu cola executiva de la FSA

Izquierda Xunida d'Asturies aseguró esti fin de selmana que la coalición va defender una negociación del próximu presupuestu autonómicu "cara a cara cola FSA", en cuantes que considera que los presupuestos son "la iniciativa política más importante del añu, un documentu esencial na vida política autonómica y, por ello, han negociase al máximu nivel, ente les direcciones de dambos partíos".

Otru de los elementos precisos nesta negociación pa IX ye la existencia de garantíes pal so cumplimientu, que pasen porque IX xestione l'aplicación del presupuestu , que tendríen de redactase acordies a trés presupuestos, que sedríen la orientación política, los proyectos y los recursos económicos, too ello dende l'enfoque de facer "una política verdaderamente d'izquierdes empobinada a atayar los problemes reales de los ciudadanos".

Los recursos pa la xeneración d'empléu y el I+D, d'ayudes a la vivienda, la xuba del salariu social o los recursos qu'afiten los servicios sociales como cuartu pegoyu del estáu del bienestar, sobremanera la educación, son les prioridaes qu'IX quier que se recueyan.