IX llama a una gran coalición d'izquierda pa gobernar Asturies

Manuel González Orviz, coordinador d'Izquierda Xunida (IX), propunxo l'entamu d'una gran coalición d'izquierda pa gobernar Asturies. El destinatariu principal de la propuesta ye Podemos.

Según esplicó ayeri mientres una visita a la Feria Internacional de Muestres d'Asturies (FIDMA), considera posible finar col bipartidismu nel casu d'organizar un bloque qu'incluyera a toles fuercies alternatives d'izquierda y movimientos sociales, polo que fai un llamáu pa organizar un procesu de cara a les eleiciones nacionales y llocales próximes pa ganar y gobernar n'Asturies y Xixón, asina como n'otros conceyos. Esti movimientu yá ta aprobáu pol Conseyu Políticu d'IX, formación que ta treslladando la propuesta a fuercies polítiques asturianes, sindicatos y movimientos sociales.