IX-BA-LV quier que'l Gobiernu d'Areces faiga una llei pa garantizar l'accesu a la vivienda

El grupu parlamentariu d'IX-BA-LV ta acabante de presentar nel rexistru de
la Xunta Xeneral una proposición non de llei qu'afala al Conseyu de
Gobiernu a presentar, enantes de que termine la llexislatura, un proyectu de
llei que garantice dafechu'l derechu a una vivienda digna n'Asturies. El
diputáu d'IX-BA-LV, Aurelio MArtín, punxo d'exemplu de modelu de
llei la del gobiernu vascu aprobada'l mes d'abril pasáu pol executivu
d'Ibarretxe.

El testu vascu, según Aurelio Martín, recueye "l'accesu a
la vivienda como un derechu subxetivu". Pa IX-BA-LV ye "un proyectu
de llei contundente porque prevé que nel añu 2012 tolos
ciudadanos vascos tengan accesu a la vivienda, y qu'a partir de 2012 esi
derechu sía desixible énte los tribunales de xusticia".
Finalmente Martín recordó que nel periodu nel que IX-BA-LV
xestionó la Conseyería de Vivienda na pasada llexislatura
"entámaronse18.000 viviendes con dalgún tipu de
protección y destináronse 54 millones a subvencionar la vivienda
y los alquileres".