IX amenaza con una enmienda a la totalidá del presupuestu autonómicu

El coordinador xeneral d'Izquierda Xunida d'Asturies, Jesús Iglesias alvirtió esti fin de selmana que la so formación nun va a participar nuna negociación que nun sía seria y con partíes económiques sobre los presupuestos asturianos del 2008, nos que l'executivu d'Areces precisa del votu de los cuatro escaños de la formación na Xunta Xeneral pa podre llevalos alantre. Contra les declaraciones del executivu sobre la tresparencia de la información que se-y diera a la coalición , Iglesias denunció que cinco díes depués de reunise con Vicente Álvarez Areces "lo único que sabemos ye que los presupuestos van incrementase un siete por cientu y que la inversión ye de más de mil millones" un conocimientu que, pa Iglesias "nun ye abondu" pa falar de presupuestos y negociación y, tres de recordar que la so formación presentó una enmienda a la totalidá de les cuentes del estáu, alvirtió que si l'executivu asturianu nun cambia, fadría otru tantu n'Asturies.