Iván G. Fernández espón n'Uviéu parte del so trabayu fotográficu sobre les mazcaraes

|
Iván G. Fernández

El periodista inauguró una amuesa n'El Manglar que va poder visitase hasta'l día 20.

Col nome de 'Mazcaraes' Iván G. Fernández espón una pequeña parte del so ampliu archivu fotográficu sobre estes espresiones populares. Trátase d'una esbilla de los sos diez años de trabayu fotografiando mazcaraes per tola Península Ibérica y dellos países d'Europa, con especial atención a les que tienen Asturies como llar.

Asina, nesta muestra l'uviedín presenta 37 imaxes nes se que pueden ver mazcaraes como Los Sidros y La Comedia de Valdesoto, Os Reises del Valledor, la mazcarada d'Uviéu o Los Aguilandeiros de San Xuan de Villapañada, amás d'otres manifestaciones d'otros llugares de fuera d'Asturies. Una bona manera de conocer un poco más d'esta tradición qu'entá tien puxu n'Asturies gracies al esfuerciu de dellos grupos de persones que vienen trabayando na so recuperación, en dalgunos casos tres décades ensin entamase.

Semeya obra d'Armando Álvarez.

AdxuntuTamañu
Image icon Cartelu esposición 'Mazcaraes'349.57 KB
Contador Estadistiques