Italia pon a prueba’l so nuevu mapa políticu

La derecha italiana encabezada por Silvio Berlusconi propón a la figura del ex-primer ministru Giulio Andreotti pa la presidencia del Senáu na xornada inaugural del Congresu y el Senáu Italianos, trés selmanes dempués de les elecciones d'abril qu'entornaron el mapa políticu italianu col trunfu de la coalición de centru-izquierda liderada por Romano Prodi. Ello ye que mientres Prodi nun tien problemes pa controlar el congresu, onde tien mayoría abonda, nel Senáu los dos grandes bloques políticos italianos tan mui xustos, siendo la diferencia al favor de la izquierda de namás dos escaños. El grupu de Berlusconi propón al ex - primer ministru y senador vitaliciu Giulio Andreotti pa presidir el senáu, pero'l centru-izquierda enfótase nes sos posibilidaes d'asitiar nel cargu a Franco Marini.