Irlanda del Norte xuégase l'autonomía nes urnes

Irlanda del Norte celebra guei miércoles unes elecciones en que ta en xuegu la recuperación de l'autonomía política, en suspenso dende va cinco años por un supuestu casu d'espionaxe del Sinn Fein a favor del IRA n'Asamblea de Stormont. El reverendu Ian Paisley, líder de la principal formación pro-británica del Ulster, el Partíu Democráticu Unionista- ye'l favoritu nes encuestes, per delantre de los líderes republicanos del Sinn Feinn Martin McGuinnes y Gerry Adams, anque delles encuestes albidren una psible fancedura del votu unionista ente distintes opciones.

El reconocimientu va pocos meses por parte del partíu católicu de l'autoridá de la policía norirlandesa permitió despesllar la situación ente católicos y protestantes y fizo posibles estes elecciones.

Republicanos y Unionistes comprometiéronse'l mes pasáu a formar un gobiernu conxuntu dependiendo del resultáu d'estes elecciones. Si nun son a ello primero del 26 de marzu, el gobiernu d'Irlanda del Norte va pasar a manes directes de Londres y Dublín.